Tweet

بكره زوجي وما بطيقه

الراي - منوعات

انا عمري19 وانا كتير حلوه بجد ومشكلتي الجوهريه زوجي ما بطيقه بالمره بالمره اتزوجتوا غصب عني لاني عندي اب بيخوف وما بسترجي اقول لا لانوا بيوافق واحنا بس يكون عنا علم مو اكتر ولو قلت لا معناها بعرف حد واني مش محترمه يعني برأيه الي بترفض بتكون خايفه من الزواج يفضحها من شئ عملتو مخبياه يعني اب(من عصر الجاهليه)انا ما بنكر اني اساسا ما صدقت اتزوج عشان افتك من عيشة اهلي وعشان اكمل جامعه لاني لولا زوجي ما كان دخلت الجامعه زوجي بيحبني كتير ومدللني وبيحاول يرضيني بكل شئ لكن ما تلوموني انا ما بطيقه انا بظهرلو  اني بحبه وبمثل الادوار معه وكاني بفلم وكل شئ من برا قلبي عمري ما حسيت باي شعور وانا معه بالعكس بحسوا لما بيحكيلي بكلام الحب بحسوا بيستهبل وما بيحرك شئ فيا لدرجة اني بليلة العرس اغمى عليا فيها مرتين صار لي متزوجه شهور و بكون مبسوطه كتير وهو بشغله ولما بيرجع بحس بشئ كاتم  على قلبي هو شكله ابدا مو مقبول وانا مو ناقصني شئ وهو بعيوني بشع كتير بعرف انتوا بتقولو عني مو منيحه لكن الشعور هادا مو بايدي غير اني من يوم ما رحت الجامعه وانا بشوف الاعجاب بعيون الناس وكتار بيسألوني عن اهلي ليخطبوني ... كمان في شئ ما بعرف شو رح تقولوا عني انا عامله مانع للحمل لاني ما بدي اعيش طول عمري مع زوجي هاد .بعرف ان زوجي ما بيستاهل مني هيك ومرات ضميري بيعزبني لكني بلوم بابا الي بيعمل هيك فينا وهو السبب مش انا وانا لو بايدي ما تزوجتوا من الاساس ماذا افعل ارجوكم ساعدوني .