التاريخ : 2015-12-15
إبنة فيروز تدافع عنها ...صورة
الراي نيوز
ردت ابنة الفنانة اللبنانية "فيروز" "ريما الرحباني"،على الانتقادات التي تعرضت لها والدتها من قبل إحدى المجلات، اللبنانية والتي وصفتها بأنها "عدوة للناس وعاشقة المال ومتآمرة مع الرئيس السوري بشار الأسد"، الأمر الذي أثار موجة غضب في لبنان.
وقالت الرحباني في بيان نشرته عبر صفحتها الشخصية بموقع "فيس بوك، قالت فيه: "كل إنسان كبير أو عظيم بأخلاقو وشخصيّتو ومواهبو ووطنيتو وعطاءاتو وإنجازاتو وتضحياتو، بيخِلق من حولو كميّة حسّاد بِعقَد نقص ما بيعرفوا كيف يداووها إلا بمُخيّلة بتضاهي ببشاعتا ضعفُن وفشلُن، فَبِيلفّقو أكاذيب وإفتراءات، ظنًّا منهن إنّو بهالطريقة بيحجّمو عظمتو وبيخفّفوا من حب الناس إلو".
وأضافت: "هاي وجه من طبيعة الإنسان العاطلة والحسودة والحقودة، اللي بتِعلق بدوّامة الفشل والحسد والخُبث، هلقد بيكون فاشل صاحبها إنّو ما بيعرف يعمل شي إلا تركيب وتلفيق الأخبار ع كل إنسان ناجح وكبير، تيحاول يخفّف من وطأة وهجو أو تيتعربش ع إسمو وينشهر، كونو نكِرة، فيظن إنّو مُجرّد ما يتطاول على هالإسم الكبير، بيتحوّل من نكِرة لَبطل".
وتابعت: "فيروز عندا ماضي حافل بتركيبات أهل البيت والأقارب والعقارب وغيرو، اللي كانت تِنحاك ضدها مع حبيب مجاعص وغيرو، وتِتْعمّم بكواليس الإعلام وغيرو، وعلى موائد الأكل، لتُنشر وتَنتَشِر، وتِرجَع تِظهر من حين لآخر، بأشكال وتحت أسماء مختلفة، الهدف منها واحد: محاربة فيروز وكسرها وبفرد حجر النَيْل من عاصي، إيه وقتا يا إخوان ما نفعت، هلّق بدّا تنفع؟؟؟".
كما قالت في بيانها: "إما محاولات تسييس فيروز فَ كلّا فاشلة، لأن إذا في نُبل وحَق وكَرَم و كرامة بهالدني، عنوانُن فيروز وعاصي، بالحياة وبالفن، هنّي البيت وهنّي الوطن الوحيد الحقيقي والراقي ما بتقربلو السياسة ولا بيعرفا،العظماء بالتاريخ يا إخوان ما بيِتبَعوا إنّما يُتبَعوا،وهنّي اللي بيسطروا التاريخ وبيِصنَعوا قوالب ومقاييس القِيَم والمواقف، وبعاد كل البعد عن حروب الزغار".
واستكملت دفاعها عن والدتها قائلة: "إذا فكركن أدوات وإرهاب داعش بس بالبواريد والمتفجرّات غلطانين كتير، داعش كمان بيلبسوا بدلات وعندن مراكز ومكاتب ومنابر وظيفتها تحطيم وتهشيم الحضارات وكل وجه مشرق،كل عمرا الكلاب عم تنبح والقافلة عَمْ تَسيرْ.. وسارت هالقافلة بثبات ونُبل ورُقي وصَمت وترَفُّع لدرجة إنها صارت فوق فوق مطرح اللي بيوقف الزمان! لذا مهما كتروا وتنوّعوا الكلاب اللي عم يِنبَحوا ما عاد نباحن يطالْ،وليسمع من يسمع هوّي ومعلّمينو وفاتّينلو المال".
واختتمت حديثها قائلة: "أسفى على دولة مؤسسّاتا غرقانة بالزبالة والفساد ورجالها ضالين.. هاي إذا بعد فيها رجال،ويا وزير الثقافة ووزير الإعلام ونقيب الصحافة هيدا اللي عم بيصير بأيّامكن على مرآكم ومسمعكم! وكلمة أخيرة لإصدقائي الفيروزيين ولإخوتي الحقيقيين، ما تزعلوا، الكلاب بتخلّف جراوي كتير، ورح يضل في نباح كتير، بس محبّتكن وإيمانكن بالوطن الفيروزي أقوى من كل شي،تضلوا بخير".
"المليار استماع" .. إليسا تحقق إنجاز جديد لها
بس أنا والعود .. عمر العبداللات - فيديو
وزير الثقافة ل "رم" : مفاجآت جديدة لتعزيز المشهد الفني والثقافي .. فيديو
أول امبراطورية أردنية في التاريخ
مهرجان siffa يختتم فعالياته ويعقد دورته القادمة في الأردن بالتعاون مع الحجاوي
الولاء فعل… لا كلمات
أول امبراطورية أردنية في التاريخ
وزير الثقافة: إطلاق منصة لجمع الإرث الأردني خلال الأيام المقبلة
