محرر الشؤون المحلية

قال النائب د.صداح الحباشنة في تصريحات له ردا على رواية وزير صحة حكومة الرزاز (حكومة الجباية الساقطة شعبيا) حول وباء انفلونزا الخنازير والإجراءات التي كان يجب أن تتخذها الحكومة وعلى كل واحد حاول ان يسحج ويحاول إخفاء حقيقة تقصير الحكومة على حساب صحة المواطن الأردني.
وردني من د محمد خرفان طبيب استشاري أمراض سارية و نقص مناعة بورد أمريكي و مقيم في أميركا حول انتشار الانفلونزا في الأردن وفشل وزارة الصحة بالتعامل مع الأمر....

١- بما انهم عارفين انها صارت متوطنة في البلد endemic خصوصاّ H1N1 لازم التحضير كان في الصيف و عمل المطعوم متوفر و مجاني أو بأسعار رمزية، خصوصًا انه الكلفة المالية للتعامل مع وباء epidemic بيكون بتكلفة اعلى.
٢- المستشفيات لازم تكون جاهزة للفحص السرع Respiratory Pathogen Panel اللي نتيجته بتطلع في ساعتين، و فحوصات تانية للحالات المعقدة مثل فحص PCR في المستشفيات المركزية لتأكيد التشخيص.
٣- ما بعرف الرقم بالتحديد، بس الأردن كلها فيها اقل من عشرة اختصاص أمراض معديةللبالغين، و في نقص حاد بنفس التخصص من طب الأطفال ، و مع هيك في بطالة أطباء، طيب ما حدا فكر يبعث ناس لجامعات برا يتعلموا ؟
٤- الحالات الصعبة بيكون معها التهابات بكتيرية مثل S.pneumiae و S. aureus و ممكن كمان يكون مضاعفات تانية متل فشل كلوي أو تنفسي، يعني بدك فرق كاملة مناوبة و على مدار الساعة، التعامل مع المضادات الحيوية و ضبط جرعاتها علم منفصل بحد ذاته، و التخصص فيه سنتين أو ثلاثة
٥- التعامل مع حالات المناعة الواطية، مثل مرضى السرطان و الزراعة و غيرهم، و عائلاتهم كمان، مين بيعمله؟ و كيف بيعملوه؟ في ناس بتعرف تتعامل مع هيك حالات؟
٦- كوادر المستشفيات و الدفاع المدني والparamedics كم واحد منهم اخد المطعوم؟ و متى اخذه؟ المفروض اخذوه شهر سبتمبر أو اكتوبر بالكثير، في اميركا ممنوع تشتغل بدون إثبات المطعوم، أنا بصور إثبات المطعوم كل سنة و ببعثها لكل المرافق اللي عندي فيها شغل
٧- شو وضع غرف العزل و تجهيزاتها في المستشفيات الحكومية؟ و كم مريض في الغرفة؟ حدا بيعرف ؟خصوصا ً مع الازدحام الشديد ؟
٨- طيب عنا مختبر احياء دقيقة مركزي بيعمل شغل على هيك شغلات؟ اللي بسمعه كله من WHO ما سمعت أو قرات عن شي اردني
٩- المطعوم للجميع لازم فوق ٦ اشهر
The only contraindications are allergy to eggs and Gillian Barre syndrome, even with egg allergy u can give recombinant
الوزير اكد انه المطعوم بس للمناعة الواطية و الكادر ! كلامه علمياً غلط.
المؤهلات العلمية التي يتحملها الدكتور محمد خرفان