التاريخ : 2012-07-19

ميرا ابو عنزة


الاسم : مواطنة...
الجنسية: اردنية...
الهوية: عربية...
التوجه: نحو اردن امن...
الحزب : حرية وديمقراطية بس مع شوية مسؤولية...
العنوان: كل شبر من ارض الاردن هو عنواني...
هاذي مو رسالة بنت رح تفقد اهلها ،، ولا رسالة ام و اب رح بفقدوا ولادهم ،، ولا رسالة شخص راح يخسر مصرياتو ،،،
بس هاي رسالة من مواطنة رح تفقد اغلى ماعندها وهي بلادها !!!
كل شي بيتعوض .. الام.. الاب.. الاخ.. الولد الا البلد ،،، لأ ما بتعوض ابد.،،،
الكرامة والشرف هي عنوان وبلادك هي كرامتك وشرفك بتستاهل منا الاخلاص ،، بتستاهل منا الاحساس ،، بتستاهل منا الخوف والحب من الساس للراس ،،، كل هالمقدمة مش كلام على ورق ولا اغنية عم تتغنى بالراديو ،،، هي احساس نابع من جواك من قلبك من نخوتك من حبك ،،،
جنسيتك اردنية وهالجنسية بتستاهل منا شوية حمية ونخوجية ،،،
اما هويتك عربية ،، وكلنا بنعتز بهالهوية بس ما تكون علينا ردية ،،، نروح نقلد العرب بس عشان يقولوا انا رجال ،، وتوافينا المنية ،، مش كل شي تقليد خاصة اذا كانت بلادك مش مثل البقية ،،،
الجوع موجود والعطش موجود بس اللي اهم منه ان الحب والامان الك سلاح وهويه ،،،،
ابني وابنك بالامان مسلحين وبالحب مغمورين ،،، وعلى حب هللبلد معودين ،،، ليش فلان و فلان يكونوا سبب لنسير مخبطيين وحالنا وين مش عارفيين !!!
هاللبلد ربنا حامينا ،، وهو من فوق راعيها ،،، بس بسواعدنا وقلوبنا لازم نخبيها ،،!!
توجهنا نحو اردن آمن , الفاسدين والسراقيين فيه عايشيين،، بس مو كثار !! ومو منتشريين لانو الطيبين والنشميين فيه غالبين ،،، عشان هيك البلد هي توجهنا والامن هو هدفنا ،، وهالفاسدين حتى لو انهم موجوديين بس على البلد مو خايفيين ،،، بس الخوف على هالطيبيين اللي ما الهم الا هالبلد !! وعلى تراب هالبلد عايشيين ،،،
الحزب حرية وديمقراطية مع شوية مسؤولية ،، انا مواطنة حزبية بس حزبي الحرية والديقراطية مع شوية مسؤولية ؟؟
نعم مسؤولية ،، هالمسؤولية معناها كبير وعن الحقد والغبن معناها بعيد ،، هاللبلد بدها مسؤولية وبدها نحافظ على هالهوية ،،
ونضلنا نحلف بالله ،، يا اخواني والله بلادنا حلوه وبتستاهل التضحية والحمية ،،، ليش تترك فلان وفلان يغوص فيها ،، وهو لهالبلاد ما الو هويه !!!
العنوان كل شبر من ارض الاردن هو عنواني ،،، عنوانك معروف ومش بحاجة لحد يدلك ،، لا بدك خارطة ،، ولا بدك اشارات تدلك على العنوان ،، هالخارطة رسمها سهل !! وعليك الها فضل !! فضلها مو بالفلوس والذهب فضلها عليك بالقلب !!
اعطتك الحب اعطتك الامن ..والامن .. والامن ،،، لا نضيعها كرمال فلان وفلان وفلان ،،، شووف البلاد من حولك ،، شوف العرب من حولك ،، ضايعيين خايفيين ومظلوميين !!! وعن الحياة مقطوعين !!
البلد هاي بلدنا .. و الارض ارضنا .. و الاردن اردننا..
حمى الله الاردن وحمى الاردنييين جميعا ...