التاريخ : 2015-10-24

الراي نيوز

 - اسمه الأول على وزن قاضي .. وعمره ما كان راضي .. يلعب على مية وجه زي الأكروباتي .. لا هو مسكين وقلبه مش عادي. اسمه الثاني من الهواء العليل وعلى وزن فخامة .. وهو ليس شديد الوسامة .. ومع الزيت والزيتون ما الو علامة .. وعلى المزارع الغلبان سلطة بدون ملامة .. وعلى منصبه نهايته الشهر ع الله السلامة .. وما حدا منو سالم .. لا علاوات ولا زيادات ولا حدا عليه فاهم .. وعلى وزارة المالية راسم .. بطير هالوزرا وبيضلو قاعد ووجهو باسم .. مسوي حالو شاعر وعلى البطاطا الاسرائيلية خاتم .. بشارع الجامعة الو عنوان .. وبزمانة عشق لبنان .. ودايما ضد أفكار شومان .. قادم من جنوب عمان .. عمروا ما طلع على اذاعة .. وكتاب ترميجه من الحكومة سيوقع هذه الساعة .. دمج وزارته مع المياه كانت أكبر اشاعة .. يكيد المؤامرات وداير على العلاوات .. حفظ أشكال كل المطارات .. من كثر ما بكتب لحاله سفريات .. يؤمر وبينهى مثل البشاوات .. كل شهرين بغير مراسل مع التبعيات .. الكرسي زهق منو .. وما حدا قادر يشيله عنو.