الرأي نيوز - هاجمت الاعلامية اللبنانية ديما صادق الفنانة نادين نسيب نجيم بسبب تغريدتها الاخيرة بعد الزلزال الثاني الذي ضرب تركيا. وفي التفاصيل، كانت نادين قد غرّدت على حسابها على تويتر عن الهزة الأرضية التي ضربت لبنان، وكتبت: "هزة أرضية هلئ لبنان صرلي من مبارح عم حس انه في شي غريب وما نمت مبارح بالليل"، ليرد عليها أحد المتابعين بسؤال: "شوفي شو عم تاكلي بليل قبل ما تنامي"، ليأتي ردها بـ:"الزبّال"

واعادت ديما صادق نشر تغريدة نادين وعلقت ديما: "ولو؟؟؟؟ ولو؟! ممثلة لبنانية بستعمل مهنة "الزبال” كشتيمة؟! شيء مخزي جداً انه يكون مستوى الوعي والانسانية والشعور والثقافة متدني لهذه الدرجة عند اشخاص بأثروا بملايين المعجبين. طبعا من المسلمات انه ما في شي مهين باي مهنة، المهين للجنس البشري انه يكون في ناس يفكرو بهل طريقة

فما كان من نادين الا وردت كاتبة: "حبيبتي ديماً انت معودة على المسبات والشتايم بتحسّي حالك عندك قيمة انا ما معودة راسي ما بيحملني هيك اتربيت خاصة اذا حدا اتطاول عليي بشكل كتير بشع . والزبّال هو يلي بكب وسخه وين ما كان ونفسيته وسخة. يلي بنظف ما اسمه زبال وما بعيطله زبال لانه بكون عم بجرحه هيك علموني بالمدرسة”

وكان للإعلامية اللبنانية نضال الأحمدية وقفة مساندة لنجيم، التي هاجمت ديما صادق ودافعت عن نادين وكتبت: "إلى المذيعة المدافعة عن الزبال، وإلى المعتدين على نادين نسيب نجيم، باللبناني السلانغ، بقول انكن زبالين بالجملة والمفرق. زبال عبارة يستخدمها كل لبنان سراً ضد من يعتدي عليه، لكن حين تقولها نادين علناً تصبح جريمة. يلعن النفاق والاستعراض ويلعن ساعتكن"

ليدخل أيضاً المخرج اللبناني شربل خليل، ويشتم ديما، دفاعًا عن نادين، وكاتباً: "نادين أنا ما في أي شي بيربطني فيك لا شغل ولا صداقة ولا معرفة، لكن نصيحة للمرة الجايي، كل حدا بيتطاول عليكِ قوليلو: إنت واحد ديما". فأعادت نادين تغريد ما دونه شربل وردت عليه: "شكرًا على النصيحة"