الراي نيوز - اسمه الاول بمعنى يبدي الراي باعجاب ونازل قرارات شعبوية بدون اسباب وبفطر ملوخية وبتعشى كباب وبس يشوفك بصب عليك العتاب وعلى موظفينه يسن الانياب ومع سياسة غلق الابواب ..


اسمع الثاني قريب باسم عمل شريف وللنواب موقّف عريف وعلى بدلاته ابدا مش صريف ونظارته تحتاج تنظيف وبين زملائه طريف .

دخل بالخمسين جديد وحسان عمله عيد ورايه سديد ووزارته سايبة ومش شديد وعليه ملفات فساد وصلت ارقامها بالعديد واله علاقته بتجارة الحديد .


عمره ما لبس عقال مع انه من الشمال وبس يشوفك بقلك كيف الحال وفيصلاوي حتى لو ادعى وقال وللجهات الرقابية لا يهكل هم السؤال وبالعبدلي عايش على الاطلال .

صاحبنا اليوم علاقتة برئيس وزراء اسبق مش تمام وبالشتاء ما بوقف زكام .

عالمشاريع ما بصرف كثير وبالشغل بقضيها تنظير ودايما بفخر بشغله وبقول ان اول التطوير ومات يصير وزير واكبر طموحه يكون سفير .

بفكر حاله طويل وبحكي عن جرش وعجلون هواهن عليل فهل عرفتم هذا الجميل .