التاريخ : 2016-01-09

الراي نيوز

 اسمه الاول على اسم اغنى  الاسماء وقطع رزقنا من السماء وقلب البلد صحراء ويسعى لقطع عنا الهواء وعمله بلا عطاء. اسمه الثاني بمعنى طبر وير ومره تهاوش مع شرطي سير ودايما عالفيس بوك بقضيها شير . بحار وقاعد بمكتبه زي المختار وهو جديد على هذا الكار ورح يطير من اول مشوار ودخل الحكومة بكرت غوار وبالطيران  ما دق ولا مسمار وقريبا سيخرج برا الدار وعالدوار الخامس  عمل اعصار وصارت الناس تفرقع زي البوشار وبفكر حاله فارس مغوار ونشف الميه من البحار والانهار، وما بشوف الا بمنظار  ولا تصلحه المنشار ما خربه النجار وهو جريء  باصدار القرار وعلى دوره وقف تصدير الخيار ودايما معاه تخمه وبشرب فوار وروح مستو وقعد عالدوار . بفطر الصبح على بسكوت ماري وبحلم بسيارة فراري وبشرب عصير من عند داري وبخاف من موظفي الخرابشة والبراري وصوته بالشركة  مثل الشوالي ومفعوله بطل ساري وبحب يوكل اللحم البلغاري ويفتخر بفصل الموظفين وبقول هذا قراري. هاجم كبار المستهلكين وعمم على احترام المواطنين وله مزرعة في عبلين وعينه على شوارع دبين وهو  سمين وبلعب على مين ومين وما بوكل الا من ايدي الفلبين.