صدقوني العرفية احسن من الديموقراطية واحد بحب العرفية اكثر ليش .. اني لا هيك ولا هيك .. دوز دغري اول اشي .. هالايام صار الحرمة .. او الست او المدام لما تزعل .. او مش جاي على بالها تعمل اشي .. بتقول لجوزهال انا حرة .. احنا بنعيش ديموقراطية مثل ما الك الي واذا ولد او طالب ما بحب المدرسة او الاستاذ او المدير بلم لمة اولاد .. وبعملوا اعتصام او اضراب عبين ما يوخذوا اللي بدهم اياه .. اذا السواقين اتخالفوا لانهم ما بوصلوا الراكب او ما بحملوه بعملوا اعتصام او اضراب.
اذا عامل ما بشتغل بحق الله بجمع العمال حواليه وبعملوا اضراب...
اذا موظفين زعلانين من مديرهم عشان بده اياهم يشتغلوا .. بعملوا اضراب او اعتصام لما يطيروه .. اذا انا ازعلت من اي واحد بعمل عنه اشاعة وما احب الناس بالاشاعات لكن زمان .. ايام الاحكام العرفية .. اذا تاجر باع كيلو بندورة او خيار .. زيادة تعريفة بودوه مفتشي التموين للمحكمة ومخالفة واغلاق .
اذا فران ما باع بالكيلو على المحكمة .. اذا موظف حط بجيبته 5 دنانير لامن الدولة او زمان للمحكمة العرفية.
اليوم بعهد الديموقراطية الحسنة الوحيدة الموجودة باسم العرفية اللي هو الزواج العرفي هاي ليش الها حسنات اذا واحد بحب وحده .. بتجوز .. وخاصة هاي موضة دارجة في الجامعات..
الديموقراطية بتخلي الوزير يساوي اللي بده اياه مع المواطن والموظف مثلا وزارة الصناعة والتجارة بقولوا انه البندورة انضربت زي الخيار برمضان .. التاجر بقول احسن اشي الواحد نسي الفراطة صار كل شي بدينار .. الا المواطن ما اله سعر حتى بتعريفة السعر الوحيد للمواطن لما يموت .. بكلف اهله كثير ..
وسعره غالي .. لو انه اللي بموت بقعدو بشوفوا قديش بكلف .. وعند الحكومة بصير غالي ... ما هو الانسان طول ما بدفع غالي...
فكونا منكو ومن سوالفكوا ومن هون لعندكوا على دلعونا على دلعونا ...الله يخلي هالوطن النا شو حنونا..
