دقت أجراس الوقت معلنة بدء الدعاية الانتخابية حيث بدء المرشحون بحملاتهم منذ الدقيقة الأولى للموعد المحدد لذلك.
تسابق أنصار المرشحون الى الشوارع لتعليق اليافطات و الصور و الشعارات "يارب هالشعارات تكون صح هالمرة مش طخ كلام و بس" كما نرى الصيوانات منصوبة في الساحات و العزايم على قفا مين يشيل و كل هذة الأعمال من حق المرشحين رغم انها مكلفة كثير و الدعاية الصحيحة انك تمثل وطنك و ليس شخصك.
الشي الغريب ان الفيس بوك صار مليان جروبات للناخبين و كلة شعارات و مولعة بس بصراحة صاحب فكرة "جروب لكل مرشح" انسان رائع لان هذة الفكرة غريبة و جديدة و بكفي ان صار للناخب معجبين و ناس عاملة لايك.
يعني بالفيس بوك و التويتر و على الايميل و بالشوارع و الصور و العزايم الخ الخ الخ ... يعني ما ظل مكان الا و فية دعاية انتخابية , الى هذة الدرجة المنصب مهم و حلو؟؟ انا بصراحة ما عندي علم لأنو أصدقائي كثر خيرهم عملولي فيس بوك من فترة بسيطة و أخر شي دخل المنزل عنا كان الخلاط.
بس ممكن يا حضرة المرشح اسأل سؤال واحد بس .
متى سنرى نوابا للوطن و للأمة ؟؟ بالحقيقة زهقنا نواب لأنفسهم و من نفسنا انه ,, و يلا خليها بنفسنا.
