الرأي- ماهر مضيه
عندما يمل الشاب و يخرج من بيته مع أصدقائه يوم الخميس أو الجمعة و هذا موعد العطلة الاسبوعية يكون أمامه خيارات محدودة لكي يذهب اليها حتى ينسى 6 أيام من العمل و من تلك الخيارات الذهاب الى المول .
و من هون بلشت القصة , لما يوصل الشب للمول مباشرة راح يسمع كلمة اليوم ما بندخل شباب
السؤال هون هل الشاب راح ياكل المول مثلا؟
و ليش دايما مستقصدين الشباب في المولات ؟
يعني بدكم تمنعوا الشباب من دخول المول و حكينا ماشي بس ليش الصبايا بيدخلوا ؟
فكرت كثير و لقيت أكثر من سبب يمكن يكونوا مقنّعين , يمكن عشان الشب ممكن انو يعمل مشكلة في المول و هيك راح يطفش الزباين بس الصبايا ما عندهم هيك قصص, و يمكن عشان وجود شباب كثير راح يعمل ضجة و يأثر على راحة العائلات الموجودة و الي برضو جاي تغير جو ,
بس البنات ما الهم حس مثلا ؟
دايما بنسمع الشب بيناقش موظف أمن المول بدنا ندخل أو بدي أجيب شي بسرعه ,أو عائلتي جوه بدي أفوت ,أو بس أفوت على المطاعم و طالع . يعني لازم نطالب بمول للشباب بس و برضو راح يكون فيه نقص , الفطرة البشرية بتأكد وجود الجنسين و أهتمامهم ببعضهم ,بعدين اسألوا البنات بيروحوا المول لو ما في شباب ؟
على بلاطة :
يعني لما الواحد يكون زهقان و ما يلاقي محل يروحة و يمنع من دخول الكثير من الأماكن , وين يروح ؟؟ و بالمقابل الصبايا فايتين طالعين من أي مكان بعجبهم ,, الله يستر و ما نوصل مرحلة نعمل جمعية حقوق الرجل و شعارها"أعيدوا لنا بعضا من حقوقنا المسلوبة".
