التاريخ : 2015-09-25

الراي نيوز

 الحكومة عيدت الشعب عيدية بخصم 15 قرش عالمواقع الاثرية والعطلة كانت رسمية والشاهد بتعطيكم هدية وبتوزع على نواب الديجتيل مهلبية وعلى المخضرمين بتعطيهم تمرية والنسور من اصول سلطية وحماد امه صخرية وضرب بيد حديدية على كل من خالف النظام والاولوية والناصر ما بعيد بس بوزع سمنة بلقاوية وهلسة بالكرك مسوي صاجية والقطامين مروح على الهاشمية والحياصات مسوي بحت وهيطلية والداود في الاراضية المقدسية وبنات الحكومة عن الصالونات اللي مش سياسية وخصوصا الثقافية .. اما جماعة التنمية الاجتماعية فالعيد رح يكون بالزيارات على مراكز الاحداث الفجائية والطاقة بحضر حاله يرفع المحروقات على الفئات الشعبية والفايز بدور على استثمارات سياحية وشويكة جاهزة لتوقيع الاتفاقيات مع شركات السلكية واللاسلكية .. الاسبوع الماضي طلعنا قانون الانتخابات والشعب بيقول الخير بالجايات مع انه المجلس فيه شوية جلطات وبلشت معركة الرئاسة بالمقبلات وبرشوا عليها شوية بهارات وكثيرة اصوات السيدات اللي طالبنا بعودة الكوتات خصوصا بنت جرش بني مصطفى بنت البشوات ونطلب من صخر ابو عنزة يرش علينا عيديات عشان نعيد الولايا والقرابات وخصوصا العمات .. كل عام والشعب الاردني بخير والاسعار اللي طاير طير والحكومة اللي كلها على الفيس بوك شير وعالنواب اللي كنافتهم بدها شرطي سير.