لا حول ولا قوة الا بالله
رحم الله ابن العم والجار وزميل المدرسة عبادة إسماعيل حسن العزام والآخر قصي العزام إثر وفاتهما بحادث تدهور سيارة اليوم الجمعه

/ اول مبارح عزمتني على سهرة المسا بالبيت بعد ما لقيتني بالشارع واصريت علي عن غير عاده، دخلت لعندك وقعدنا و تناقشنا بعدة مواضيع وما حسينا بالوقت كان كلام إيجابي وغير مسبوق، حكينا انه الواحد لازم يسعد نفسه من هسا لأنه العمر ماشي ومش مضمون حدا يعيش لقدام ( ما كنت بعرف انه كلامك بتقصده الي وانك رايح بعد يومين وللابد) ، حكينا وحكينا كثير وبعدما خلصت السهرة حكالي خلينا ع تواصل و تواعدنا نسهر كمان مره، وحكيتلك أن شاء الله يلا بدي اروح سلاام... ما كنت بعرف انه هاذ آخر تواصل وهاذ اخر سلام كمان.. كنت زميل الدراسه وجار و قريب، قطعت قلوبنا عليك بعد ما فقدنا واحد من بينا ونقصنا واحد من جيالنا... وكيف بدنا نكمل الدرب ونبني مستقبلنا وانت مش معانا رح نضل نذكرك وبقلبنا غصة ما رح تفارقنا طول عمرنا.... رحمك الله يا عبادة رحمة واسعة بجاه هذا الشهر الفضيل وان شاء الله تواصلنا يلي تواعدنا عليه يكون في الجنة
الله يصبرنا ويصبر اهلك 
وما نقول الا ما يرضي ربنا.. انا لله وانا اليه راجعون
الجمعة 31/5/2019